Die coolen Fersli vom Chlaus müssen natürlich auch auf unsere Page 🙂 Hier sind sie, natürlich nur für Mitglieder zugänglich! Viel Spass 🙂

Alex:

 

Zum Glück gets do ufi no ei Stross,

 

süsch stell i mi vor em Hardy wieder bloss.

 

Geisterfahrerin isch etz glaub min 2. Name,

 

won i mir bim letschte Kartrenne ha igfange.

 

S’nöchscht Mol nimm i d’Hilf vom Hardy dankend a,

 

wenn i wieder chli verwirrt bi und en Durenand ha.

 

Tja, dä Vorteil vom Samichlaus si,

 

ihr ghöred etz sicher nüme meh Gschichtli über mi.

 

 

Marco:

 

Er hät sich glaub am 24-h-Kartrenne e chli übernoh,

 

er het gschieder vo Afang a es Perskindol mitgno.

 

Aber natürlich hät er nöd welle als 1. go schlofe,

 

däfür hät ihn während dä nöschte 4 Täg fascht dä Schlag troffe.

 

Er het nöd denkt, dass ihm sini Muskle chönd so weh tue,

 

er isch die Täg umegloffe wie en Halbschueh.

 

 

Da mun ihm zerscht no öper no mache,

 

chunnt in Verein und lods grad no krache.

 

Fahrt dä anderne um d’Ohre.

 

Als wär er im Kart ine gebore.

 

Für dä Champion häts denn doch nöd glanget,

 

au wenn dä Martin no es biz um dä Sieg hät banget.

 

 

Lars:

 

Du häsch doch mol dini Rippe broche,

 

da tünd mir glaub am beste mol üebe im Trochne.

 

Zum Glück bisch hüt Obed nöd mit em Schlitte do,

 

süss het ehn dir grad us dä Händ usegno.

 

Kart fahre isch glob eher dis Element,

 

döt fühlsch di o wohler ond nöme so beengt.

 

 

Als Revisor machsch dini Ärbet mega guet,

 

so gnau und exakt, do züch i vor dir min Huet.

 

I bi zwor fascht uf dä Psycho cho,

 

zum Glück häsch mi denn noch 3 Stund endlich go lo.

 

Zu dinere Sammlig han i dir do no en wiitere Stift,

 

dass dir chli söt Angscht ijage vor minere Rechnig, en grüene wie Gift.

 

 

 

Silvio:

 

Dä Silvio isch zwor hüt nöd do,

 

isch viellicht au besser, süsch het er no dä Töff mitgno.

 

Eimol do isch ihm uf dä Autobahn dä Most usgange,

 

do händ mir denn grad no chli müsse bange.

 

Es hät grägnet wie us Kanne,

 

er hät aber kein Unterschlupf gfunde undere Tanne.

 

 

Vor 2 Johr hät er welle d’Sabi under dä Tisch suufe,

 

schlussendlich isch er denn aber uf em WC glandet wie en Elendshuufe.

 

Alles hät er sich nomol dur dä Chopf go lo,

 

und im WC bim Pasquale hät mer denn müsse mit em Putzchübel cho.

 

 

Sabine:

 

I finds so schad, dass mir di nöme bim Kartfahre händ,

 

aber schö, dass mer di trotzdem a so Aläss no gsehnd.

 

I übergib dir drum öpis chlises als Gschenk,

 

mir händ di glich no gern denk.

 

 

Underem Name Saufbiene bisch du bekannt,

 

musch di nöd fröge, wieso hät mer di so gnannt.

 

Dä Rosche und dä Silvio händs am eigene Liib erlebt,

 

bi dir hät wenigstens no immer alles im Mage ghebt.

 

 

Ruben:

 

Vor jedem Kartrenne tünd mir amel chli bange,

 

bis etz isch es aber no immer gange.

 

Öb echt au reserviert worde isch,

 

Tja Ruben, dass’d mengmol scho en chline Chaot gsi bisch.

 

Momentan sind mir mit dinere Ärbet z’friede,

 

drum gits für mi über die au nix meh zum Schriebe.

 

 

Oder wart, i ha do mol no öpis glese,

 

dis Motto tönd jo wie en Bese.

 

„Viertel vor 12“ wa söll denn da,

 

cha mir mol öper erkläre was a dem sött dra ha?

 

Egal was au immer söt bedüte,

 

irgendwenn häts dir denn au us dä Ohre useglüte.

 

 

 

Ric:

 

Du bisch eine vo dä wenige Goldmember wo mir händ,

 

drum es chlises Present, wo mir dir als Verein gänd.

 

Leider han i vo dir nüd schlechts ghört,

 

es git nünd, won i chönt si über di empört.

 

Drum dörfsch etz wieder uf din Platz go,

 

wenn öpis passiert im nöchscht Johr, denn chan i jo wieder zu dir cho.

 

 

Michi und Markus:

 

Leider sind die 2 momentan nöd so aktiv,

 

und ab und zue scho ugfalle es biz negativ.

 

Sie händ imene Hotel welle dur e gschlossni Tüür springe,

 

aber da händs denn nöd ganz brocht zum Glinge.

 

Dä Kusi hät gmeint er seg en Rockstar,

 

und fascht müsse s’Hotelzimmer kaputt mache wie en Narr.

 

Die sind au immer als Allerletschti vom Usgang hei cho,

 

und händ mengmol eis über dä Durst gno.

 

Etz wo beidi under Dach und Fach sind,

 

do sinds mengmol vor luuter Liebi fascht blind.

 

 

Rosche:

 

I ha dir do no öpis, da kennsch du sicher, s’alt bekannti Torkelfestglas,

 

ha kört a dem Samstigobed häsch chli trunke über dis Mass.

 

Häsch probiert dä Pinguin-Sprung,

 

mit vollem Elan und viel Schwung.

 

Isch recht, dass’d nochli häsch müsse liide,

 

ha kört hegsch so wiis usgseh wiene Chriede.

 

 

Du schlofsch glaub lieber i dä Tüüfgarage wie i dim eigne Bett,

 

wenn doch da d’Helen nur gwüsst het,

 

dass’d sie nur häsch welle vor dim Rüschli verschone,

 

häsch sie aber mit dem nöd chöne belohne.

 

Sie hät di verzwieflet gsuecht,

 

hetsch dir gschieder es Hotelzimmer buecht.

 

 

 

 

 

 

 

Nardo:

 

Er hät die best und einzigartigscht Steibar glieferet wos git,

 

die cha mer niene chaufe, die isch eifach dä Hit.

 

Leider händ mir jo kei Hüttli in Widnau meh,

 

aber vor 11 Johr hät da no niemert gseh.

 

Mitneh is neu Lokal chönd mir sie glaub nöd,

 

da isch mega schad und scho no chli blöd.

 

 

In Bergün isch dä Schnee doch sehr chalt,

 

wie’s im Winter so isch halt.

 

Do hät er allen Ernstes welle uf dä Chrüzig schlofe,

 

s’nöchscht mol wird dä Alkohol eifach usegloffe.

 

Da Wuchenend in Bergün isch den unfallfrei verbi,

 

isch bi dem, wa abgloffe isch, grad es Wunder gsi.

 

 

Hardy:

 

Wie en richtige Cowboy mit Stiefel und Huet,

 

uf em Rugge vom Ross verloht di amel nöd dä Muet.

 

E ganzi Wuche mit dä Daniela ufeme Riitstall,

 

da macht en richtige Cowboy us…im Fall.

 

Irgendwenn häsch sicher mol eigni Ross,

 

denn bisch denn i dim Stall din eigne Boss.

 

 

Du häsch glaub emol dä Grössewahnsinn ka,

 

häsch gmeint, müssisch emol s’chlinschte und emol s’gröschte Auto ha.

 

Aber es hät au öpis guets, me hät di amel vo wiitem scho kennt,

 

und din Dogde hät eine au scho Dreckschleudere gnennt.

 

Tja Hardy, wenigstens weisch du immer i welli Richtig dassd musch fahre,

 

und bisch nöd wien i i dä Weltgschicht am umeglaare.

 

 

Sandra:

 

Leider wird au sie üs nüme so viel bsueche,

 

aber jetzt als frischbackes Mami, cha sie sicher üs mol mache en feine Chueche.

 

D’Laura cha scho bald inen Kart ine sitze,

 

am Martin gend mir dä Uftrag e Seifechischte z’schnitze.

 

Denn cha sie d’Ebenaustross obe abi flitze,

 

und s’Mami und dä Papi chli umenand hetze.

 

I möcht no gratuliere am dies jöhrige Sieger,

 

er hät sich durekämpft wie en Krieger.

 

 

Christoph:

 

Dank em Christoph und e paar andere, sind mir hüt Obed do,

 

will er sich damols Ziit hät gno.

 

Er hät dä Verein is Lebe grüefe,

 

aber hüt Obed chönd mir ihn leider nöd begrüesse.

 

Durch dä Nardo hät er en Rippebruch erlitte bi sim erste Renne,

 

aber er isch en grosse Bueb gsi und hät wege dem nöd müsse flenne.

 

 

Sini Karriere als Kartfahrer hät er denn schnell an Nagel ghängt,

 

isch es echt wegem Rippebruch gsi, oder hät ihn d’Fabienne bedrängt.

 

Nei, nei, sie isch jo scho recht,

 

oder isch er echt dähei amel glich echli dä Knecht?

 

Weniger PS gnüeged ihm anschienend au,

 

will d’Arbet als dipl. Heizer für’s Rheinschauen macht er anschienend sehr gnau.

 

 

Mats:

 

Am Töfftröffe häsch vo Bernegg uf Diepoldsau 7 Stund brucht,

 

obwohl dass mer dir hät is Ohr ineghucht,

 

du söllsch doch es Taxi neh,

 

däbi häsch dir unterwegs lieber es Nickerli welle geh.

 

I ha dir do drum vomene guete Taxiunternehme,

 

es Visitechärtli, wod immer chasch alüte und di nöd musch schäme.

 

 

Du tusch glaub no öpe die gern schlofe,

 

wenn di dä Alkohol chli macht besoffe.

 

Da isch glaub eis vo dine Tücke,

 

will denn tünd di dini F1 Club Mitglieder immer e chli schmücke.

 

 

Zum Schluss han i dir do no öpis chlises vom Ric,

 

Dass dir endlich mol us dim Chopf useschlohsch din Tig.

 

Dä Schumi chunt endgültig nüme go fahre,

 

mit dem chasch etz echt ufhöre uf dem z’beharre.

 

Tu dir doch endlich mol en andere Fahrer sueche,

 

wod all dini Erwartige chasch ine bueche.